Meinvill í myrkrunum

...and all of the angels..

30 apríl 2004

ahhhhhhhhhh og sparka

Á ég að gefa hr. meinvill svona?

29.4.2004 21:10:43
Féll úr stiga í Kölku
Vinnuslys varð í sorpeyðingarstöðinni Kölku í Helguvík þegar starfsmaður í stöðinni féll úr stiga. Hann var fluttur á Heilbrigðisstofnun Suðurnesja til skoðunar en mun ekki hafa slasast alvarlega.

jamm talandi um breyttan lífsstíl sko... svona lítur hr. meinvill út eftir daginn í gær:
Er ég svo mikil gribba að hann verði að fleygja sér úr stiga til að koma í veg fyrir áframhaldandi breyttan lífsstíl? (jájá þið þurfið ekkert að vera að svara þessu)


29 apríl 2004

Hvað er þetta eiginlega með hunda og hundaeigendur? Hvað gerist í sálarlífinu hjá fólki sem fær sér hunda? Þetta er eitthvað sem ég get ekki hætt að undra mig yfir. Málið er að nú er mér svo sem ekkert sérstaklega illa við hunda en ég vil samt ekki að þeir hoppi upp um mig.


Ég er ekki beint hrædd við ókunna hunda en ég tek þeim samt með varúð. Mamma er hinsvegar skelfingu lostin við hunda. Henni bregst öll skynsemi og eitthvað æði tekur völdin og hún veit ekki hvað hún gerir. Og hún er ekki sú eina. Þess vegna skil ég ekki þegar þessir FJANDANS hundaeigendur láta þessi kvikindi ganga laus.

Við gengum kringum Hvaleyrarvatn í gærkvöldi (jamm lífsstílinn lífsseigi) og þar var múgur og margmenni að veiða. Örugglega einhver fluguveiðikennsla í gangi og sumir mættu auðvitað með hunda sína. Það voru þarna einhverjir tveir hlussuhundar sem sáu mig á löngu færi og komu stökkvandi í gleði sinni að sjá svona frábæra konu eins og mig. Þeir hoppuðu allt í kringum mig og nösuðu og svona (MEGA HROLLUR). Hr.meinvill sá á mér svipinni þegar ég nelgdi niður og beið eftir að þeir lykju sér af (með því að éta mig eða eitthvað) og kallaði til eigandans:
"Reyndu að hafa hemil á þessum hundskröttum"

Svarið kom alveg um hæl með hneykslan í röddinni:
"Það er allt í lagi með þá"

Einmitt. Allt í lagi með þá! Hvað með mig? Er allt í lagi að ókunnir hundar komi slafrandi einhverju ógeði yfir mig í mínum breytta lífsstíl? Ég veit að það er alveg hræðilegt að skjóta annarra manna hunda en ég get samt ekki annað en viðurkennt að ég hló og hló þegar ég las í blaðinu um bóndann sem skaut hundinn í hafnarfirðinum sem var hleypt lausum á túnið hans. Var að hugsa um að fara og gefa honum aðra byssu í stað þessarar sem var gerð upptæk. Svona er maður ljótur inni í sér.

En málið er að ég skil ekki þessa helvítis dýrkun á þessum fjórfættu kvikindum og ég skil ekki af hverju ég má ekki hafa þá skoðun! Ég vil geta gengið á göngustígum borgarinnar án þess að buxnaskálmar mínar verði útslefaðar eftir einhver dýr sem ég veit ekkert hvar hafa verið. Sumir eru með sína hunda í bandi og það er í lagi, ég er ekkert að setja út á það. Það eru hin fíflin sem ég pirra mig yfir og hana nú!

Spánornin í London sagði að ég ætti eftir að fá mér svartan og hvítan hund (JEAH RÆT!). Nú er spurning hvoer ég breytist eitthvað við það. Fer að hlaupa með hundkvikindið lausan við hlið mér og hvæsi á fólk sem setur út á það. Hætti að fara í heimsókn til fólks sem vill ekki leyfa hundinum mínum æða um allt inni hjá þeim, hætti að fara í sumarfrí til útlanda því enginn vill passa hundinn, hætti að fara í sumarbústað af því einhverjir helvítist hundahatarar (ÉG) banna að það sé komið með hunda í sumarbústaði osfrv osvfrv... Ó mæ God ég vona að ég breytist ekki í svona..

28 apríl 2004

Varð fyrir þeirri ánægjulegu upplifun í morgunsárið að mæta Hrönn á ljósunum í Breiðholti. Hún var ægilega hissa á svipinn, ég hef eflaust verið það líka

Þetta var nú ekki á minni venjulegu leið í vinnuna. Ég er ekki orðin svo glöð í nýja bílnum að ég taki á mig aukakróka, nei ég var á leið á fund.

Breyttur lífsstíll letingjans er enn við lýði. Ég er viss um að þið hélduð að við hefðum gefist upp þar sem ég hef ekki ritað um stílinn í nokkra daga. En í gær fórum við Vífilstaðavatnshringinn einu sinni enn og ég mátti hafa mig alla við að passa að hr. meinvill dytti ekki í vatnið því hann er svo spenntur að fara að veiða. Hann má hins vegar ekki byrja fyrr en fyrsta maí samkvæmt einhverjum persónulegum reglum sem hann hefur sett sér.

Hann fylgdist vel með öllum sem stóðu í vatninu upp fyrir hendur og spáði í því hvort þeir væru að fá eitthvað. Hvort einhver fiskur væri að vaka eða hvort þetta væru fuglar að stinga sér. Ég benti honum kurteislega á að ég væri ekki mikið fyrir veiðiskap en ég héldi samt að ef mar gerði ekki greinarmun á fiski eða fugli þá hefði mar lítið í þetta að gera. Hann hnussaði!

27 apríl 2004

Meinvill er að breytast í mömmu sína!!!!

Þetta uppgötvaðist í miðju símtali við Skjaldbökuna um allt aðra hluti! Nú má enginn misskilja mig þannig að móðir mín sé ekki fín kona og vænsta móðir, ég vil hinsvegar ekki vera hún! Ég er viss um að allflestar konur vita hvað ég meina með þessum orðum því það eru jú ákveðin atriði í fari annars ágætra mæðra okkar allra sem við viljum ALLS ekki erfa. En hvað gerðist þá?

Jú þetta er erfið saga og löng. Málið var að í gær kom Sævar tilvonandi vélaverkfræðingur í heimsókn til hr. meinvills til að fá að skanna. Þeir sátu fram eftir kvöldi og skönnuðu og ræddu örlög sjálfstæðisflokksins; þ.e.a.s. hr meinvill ræddi örlög þess ágæta flokks meðan verkfræðingurinn tilvonandi var ekki sammála. Mér finnst leiðinlegt að hlusta á þá "rökræða" þannig að ég fór afsíðis og las um e-learning (afsíðis er í þessu tilfelli inn í herbergi en alls ekki inn á klósett eins og illa innrættum lesendum gæti dottið í hug).

Ég las og las. Las um það hvernig e-learning eigi eftir að skipta sköpum fyrir mig í framtíðinni og þá hringdi síminn! Það var skjaldbakan. Hún hafði keypst sér rúm og var hugfangin yfir því að geta sofið loksins í stóru rúmi aftur og ..
"þú þarft ekki tvo geislaspilara er það?"

Meinvill er klár í ýmsum sveigjum og beigjum venjulegs samtals en þessi kúvending krafðist smá hugsunar. Jú í nýja bílnum er spilari og í gamla sem á að henda er líka spilari. Skjaldbökugreyið á hins vegar engan spilara. Já það er rétt meinvill þarf ekki tvo en ..
"þú læsir aldrei bílnum þínum. Ég tími ekki að lána þér spilara sem verður stolið eftir viku!"

Skjaldbakan hnussaði og sagði mér að það væri engu að stela því það kæmi ekki hljóð á garminn sem í bílnum væri, hinsvegar EF hún fengi þennan fína spilara þá mundi hún að sjálfsögðu læsa þessum gimstein sínum.

Hmmm.. eftir smáumræður fram og aftur og samþykki meinvills um að spilarinn færi í skjaldbökubílinn þá bárust samræðurnar að Einsa kalda gítarspilara og jakkanum sem meinvill gaf honum á sunnudag og það var ÞÁ sem það rann kalt vatn milli djúpt geymdu rifjanna hjá meinvill:

OH MÆ GOD!!!!!

Skjadbökunni var hverft við og hún æpti:

HVAÐ er AÐ?

Meinvill byrjaði að stama:

OH MÆ GOD ég er að breytast í mömmu. Oh mæ god.

Skjaldbakan hváði.. ??

"JÁ ég er að breytast í mömmu. Ég gerði það sama og hún gerir. Hún hringir í mig annað slagið og segir:

"Ertu nokkuð að nota ..... (whatever)" og ef ég segi dræmt, neeeei ég held ekki, afhverju spyrðu þá segir hún:
"Jú sko það er kona sem ég þekki sem bráðvantar þetta. Má hún ekki bara eiga það???"
Og ég gerði það sama við jakkann. Ég var búinn að horfa á hann á herðatréinu í lengri tíma. Á endanum spurði ég hr. meinvill (spurði er kannski aaaðeins orðum aukið, mig minnir að ég hafi SAGT honum það) hvort hann ætlaði nokkuð að nota þennan jakka. Hann hafi bara notað hann einu sinni þetta ár sem hann hafi átt hann. Hr. meinvill reyndi að malda eitthvað í móinn en meinvill var búin að taka ákvörðun

"Eigum við ekki bara að gefa Einsa kalda jakkann?" (við sko, þar sem ég átti hann ekki).

Hr. meinvill sá að ekki þýddi að mótmæla en tautaði eitthvað um að gefa skó. Þegar Meinvill sagði HA? þá flýtti hann sér í tölvuna!

Meinvill er að breytast í mömmu sína! Og það er eitt laust herðatré á yfirhafnaslánni, á hinum 10 herðatrjánum eru jakkar og kápur sem tilheyra meinvill!

26 apríl 2004

Gott veðrið og nýi bílinn flottur og meinvill upp á sitt besta í stuttpilsi... oh vorið er það besta!


Powered by Blogger